خلص الكلام

انا من مصر بلدى وحياتى كلها طول عمرى بفخر ببلدى اللى عشت فيها
وبقول انا من مصر
طول عمرى اقرا فى تاريخها طول عمرى اعشق نيلها
طول عمرى اقرا اشعارها
منا من مصر
بس عمرى عمرى ما اتخيلت ان هيجى اليوم
واشوف التاريخ وهو بتحول اقتصاد
مصر اللى قاومت الاستعمار وحاربت بكل طاقتها
مصر اللى دافعت عن ارضها وعن عروبتها مصر اللى دم ولادها بيبنى حضارتها
مصر النهارده ايدها بايدين الشيطان

خلاص خلص الكلام بس مفيش بندقيه تتكلم خلاص الارض مش هتتكلم عربى الارض عرفت الدولار
خلاص بيعنا انتمائنا ومن غير تمن
لما توصل ان مصر تحط ايدها بايد العدو وتتامر مع الخونه على حساب اخواننا
لما نشارك فى الحصار عشان نحمى مصالحنا
لما نشارك فى قتل الابرياء و
لما يموت طفل من الجوع بسبب حصار فرضته مصر بالمشاركه مع خاين او عدو لينا ولاخواننا
يبقى خلاص مفيش كلام
تفتكر لسه هقدر افتخر بانى مصرى