الخط الساخن

ربنا يكرمك

ويعلي مراتبك

السلام عليكم
باين ان الناس بسم الله ما شاء الله محدش عنده استفسار
وده حاجه من اتنين ان مفيش حد واقفه معاه حاجه
او ان الناس لسه مابداتش تذاكر
وممكن لا ده ولاده
ان مفيش حد من دفعتنا ع المنتدى
بس برده احنا فى الخدمه وبندعيلكم ربنا يسهلكم
وان شاء الله اى معلومه عن الامتحانات هتلاقوها فى موضوع الخط الساخن لكل دفعه
علشان الناس ما تتهوش
والله الموفق

الخط الساخن اتقلب بارد
بس بردة احنا مش هنسيبه يبرد ولازم نسخنوه ;)
اللي عايز يسال عن اي حاجة يسال :مواعيد دروس ,مواعيد مراجعات ,اماكن الدروس,ورق مراجعات,ورق عملي
...في مراجعات عملي في سكاشن الكلية بالنسبة للباثولوجي جارات و سليدس
و في مراجعات بارا...مش عارف في بكتريا ولا مافيش
ربنا معاكم

ممكن اسأل عن مراجعات الباثولوجى ؟هل فى مراجعات فى الكليه؟ د جمال مراجعاته امتى؟ممكن اعرف من رئيس قسم الباثولوجى؟ د ناديه اتغيرت ولا لسه هى رئيسه القسم؟ معلش اسئلتى كتير

سؤال اخير ممكن اعرف من عميد الكليه الجديد؟ هل د طاهر لسه وكيل الكليه لشئون الطلاب ام انه تغير؟ ولكم جزيل الشكر.

عادي يا فندم
انت اسعدتني باسالتك الكتير
دة انت اول واحد يسال على الخط الساخن
انت تسال و نحن نجيب.....
العملي شغال في الكلية مراجعات سيلف ريفيشن
دكتور جمال خلص مراجعات النظري و هيعمل حصة للعملي كله يوم الاتنين الجاي الساعة 12 في العباسية ......الحصة بخمسين جنية ..العملي كله جارات و سليدز
بالنسبة لرئيس القسم مش عارف والله مش هقدر افيدك ....بس لو ضروري تعرف ابقى اسالك لما اروح انشالله.
اول مرة اعرف ان العميد اتغير....هتاكد و اعرف مين الجديد انشالله في اقرب فرصة و ابلغك
د.طاهر لسة يشغل منصب الوكيل
احنا تحت امرك يافندم ...شكرا لاستخدامك هذه الخدمة

السلام عليكم
اهلا وسهلا بالخ الغالى علينا فىى الدفعه (او الاخت الاسم مش موضح)
وطبعا ربنا يكرمك ويوفقك فى الامتحانات
وطبعا برده احنا زعلانين جدا ان المنتدى هيتقفل بس ان شاء الله انت معانا فى المنتدى الجديد؟؟؟؟؟؟؟؟؟؟؟(ainshamsdoctors ) ولا انا غلطان؟؟؟؟؟؟؟؟؟؟؟؟
ورغم ان المنتدى هيتقفل النهارده
فانا قلت برده ايه المشكله اننا نفيد بعض عليه لغايه اخر لحظه
انا سمعت ان العميد الجديد اسمه د. احمد نصار
وتهيالى هو مش بيو زى ما احنا متعودين
بس المره دى هو clinical من فوق يعنى
بس تخصص ايه مش عارف
وبيقولوا عليه راجل طيب
بس لسه الدكتور طاهر فى مكانه
وفى النهايه وداعا 1aim وبخير نلقاك
اللهم اجرنا فى مصيبتنا واخلفنا خيرا منه
والسلام عليكم