طلب من طالب طب دفعه 2014

السلام عليكم
أهلا محمود الحمد لله على وصولك لكليه الطب
ومرحبا بيك فى المنتدى أن شاء الله هتلاقى كل أستفساراتك على المنتدى
وأى حاجه أنت عاوزها هنساعدك بيعا أن شاء الله
طبعا أخواتك فى المنتدى من أولى لرابعه هيرود عليك
وأن شاء الله أسبوعين ونخلص أعمال السنة
وسادسة تبأه تحت أمرك

بس متخفش عين شمس مش سهل
بس هتحبها وهتحب درساتها وزملاتك فيها

وعلى العموم أن شاء الله المنتدى مبنى على فكره أن أحنا نساعد بعض فى الكليه
فمرحبا بيك فى أسرتك الجديده


سؤال تقنيه

أنت عرفت توصل للمنتدى منين
لأنه لسه مفتوح من أربع شهور ده هيفدنا قى نشر المنتدى
وربنا يوفقك أن شاء الله

شكرا يا دكتور علي ردك.....وباذن الله بالتوفيق للجميع ... اما انا فوصلت للمنتدي عن طريق موقع shamsawy .net
ويا ريت يا دكتور تنشروا الموقع في allteb.com
لانه موقع شهير جدااا وطلاب عين شمس يا عيني مش لاقين منتدي لطلاب عين شمس... رغم وجود منتديات لطلاب القصر العيني والمنصوره

ويا ريت يا دكتور تغيروا شكل المنتدي وتخلوا الون فاتح شويه كمان لان اللون القاتم ده بيخلي الواحد يحس بالبؤس ويا ريت متزعلوش مني انما انا عايز خير المنتدي
و شكرا ليك

السلام عليكم ورحمه الله وبركاته
بجد نورتنا ع الاخر لان حضرتك اول طالب من دفعه 2014 موجود ع المنتدى
بالنسبه للدراسه هى مش صعبه اوى زى الناس ما هى متصوره بدليل ان الناس بتجيب امتياز
انت بس استعين بالله وحط لنفسك حلم وهدف عايز تحققهم وحاول تحققهم
وان شاء الله ربنا يعينك
وخلى فى بالك دايما ان ربنا مش بيضيع تعب حد ( ان الله لا يضيع اجر من احسن عملا)
اما بالنسبه للمحاضرات فدى على حسب
لو انت ناوى تاخد دروس ممكن المواد اللى انت بتاخد فيها دروس مش تحضرلها محاضرات
بس تتابع مع الدرس وتعرف برده ايه النظام فى المحاضرات من زمايلك اللى بيحضروا
اما لو انت مش هتاخد درس (وانا بفضل كده) ممكن تحضر المحاضرات لانها هتفيدك كويس بالذات الفسيولوجى والاناتومى
اما بالنسبه للهستولوجى فرايى الشخصى (تحضر زى ما تحضرش) لان انا عندى عقده اصلا من الهستولوجى
اول يوم فى الكليه هتلاقى فيه محاضرات
جدول المحاضرات اول ماينزل ان شاء الله هنحاول نجيبه ع المنتدى على طول
ممكن المحاضرات تبدا من اول يوم شرح زى الفسيولوجى
وممكن بس الدكتور رئيس القسم يدخل يعرفكوا الدنيا ماشيه ازاى فى الماده
وبالنسبه للارشادات اللى حضرتك عايزها اسال اللى انت عايزه واحنا باذن الله هنرد عليك هنا
ومره تانيه نورت المنتدى
ويا ريت تقول لزمايلك ع المنتدى
وشكرا لحضرتك على رايك فى اللون بتاع المنتدى
واخيرا نصيحه من اخ: الكليه بتاعتنا عايزه النفس الطويل فانت تقدر
تقدر ........................طبعا تقدر
can you......................yes you can
والله الموفق

السلام عليكم
انا بشكرك يا دكتور مصطفي علي كلامك المشجع ده... انما انا اولا : مش عايز اخد دروس لانها بتضيع الوقت وكمان بتخلي الواحد يرجع البيت هلكان وانا بصراحه مش عايز اموت ....انما عايز اتفوق ... انما خايف من حضور المحاضرات لان العدد ضخم وخاصه في العملي فخايف مستفدش
تانيا: بالنسبه يا دكتور للمواد فانا عارفها انما الي مش عارفه هو العناوين الرئيسيه الي في الكتب المقرره عشان اقدر احضر للكليه فياريت تذكرهالي بس بالترتيب من البدايه حتي النهايه...
تالتاًًُُ: انا يا دكتور الحمد لله نفسي طويل جدا فمعتقدش النقطه دي مفهاش مشكله
رابعا: يا ريت تزودني باسماء الدكاتره المحترمين الي بيشرحوا ويتفهم منهم عشان نحضرلهم ..... كمان يا ريت اعداد الطلاب الي بيحضروا المحاضرات بالتقريب


وشكرا لردك المسبق

السلام عليكم
بالنسبه للمحاضرات زى ما قلت لحضرتك انت ممكن تحضرها كلها
بس الافيد انك تحضر الاناتومى كله
والفسيولوجى طبعا للدكتور شكرى والدكتوره بتعه والدكتور محمد عبد العزيز والدكتوره فاتن
(دول اللى انا اعرفهم كويسين فى الفسيولوجى)
البيو ممكن الدكتورهى ثناء عيسى دى ممتازه اما الباقى مش عارف ايه نظامهم لان انا ما حضرتش غير الدكتوره ثناء عيسى
الهستولوجى انا محضرتش محاضراته خالص لا فى اولى ولا فى تانيه علشان كده ماقدرش افيدك بس اللى انا اعرفه ان الكاتره فى الهستولوجى كلهم سيستم واحد
بالنسبه للدروس الافضل انك ما تخدش بس انت هتتعب شويه فى الاول(على فكره انا وزمايلى ماخدناش دروس خالص وبسم الله منهم ناس مرتبه ع الدفعه)
بالنسبه للمواد واقسامها ان شاء الله هاعمل موضوع كامل عن كل ماده وانزله ع المنتدىيا النهارده يا بكره بالكتير
بس ادعيلنا
وع العموم احنا عاملين هنا فى المنتدى قسم للاسئله عن المواد الدراسيه يا اما فى القسم بتاع تبادل الخبرات يا اما مع كل ماده هيكون فيه قسم خاص للحاجات دى واللى انت ماتعرفوش ممكن تسال عليه وهتلاقى ناس فى المنتدى يشرحهولك بالتفصيل ان شاء الله
والله الموفق

شكرا يا دكتور مصطفي علي المعلومات دي .... وربنا يخليك ويوفقك

السلام عليكم
الله يكرمك يا دكتور ويوفقك
وزى ما هو مكتوب فى رساله الترحيب
وزى الدكتور ابو البراء ما قالك
المنتدى ده معمول علشان نساعد بعض فى الكليه وبعد التخرج
بالنسبه لتقسيمه المواد ان شاء الله هاعمل التوبك ده قريب
بس ادعيلنا ربنا يسهلنا
والله الموفق

يا رب يا دكتور ومشكور علي مجهوداتك الضخمه

اهلا بيك يا محمود
هتنور الكلية
انا رايحة تانية و اى حاحة تطلبها تحت امرك
و زى الدكاترة ما اقلولك محضرات الهستوليجى حضورها زى عدموا
بس مخضرات دكتور شكرى دا لو كان لسة موجود انا سمعت انوا مشى خلاص
مهمة جدااااااااااااااااااااااااا
الامتحان بيجى منها بالظبط تقريبا
انا بصراحة كنت باخد دروس فى الاناتومى و الفسيولوجى
البايو كنت باخد مجموعة و الهستولجى مع نفسى
و الحمد لله جبت امتياز
ربنا يوفقك ان شاء الله

السلام عليكم
انت فين يا دكتور محمود؟؟؟؟؟؟؟؟؟؟؟؟؟؟؟؟؟

انت زعلان مننا ولا ايه؟؟؟؟؟؟؟؟؟؟؟؟؟؟؟؟؟
انت خلصت اسئلتك؟؟؟؟؟؟؟؟؟؟؟؟؟
عموما احنا فى انتظار اى اسئله او استفسارات من حضرتك
ونورت المنتدى والكليه والجامعه كلها
ويا ريت تفضل معانا على طول وتقولنا رايك فى المنتدى

doctor flower كتب:

اهلا بيك يا محمود
هتنور الكلية
انا رايحة تانية و اى حاحة تطلبها تحت امرك
و زى الدكاترة ما اقلولك محضرات الهستوليجى حضورها زى عدموا
بس مخضرات دكتور شكرى دا لو كان لسة موجود انا سمعت انوا مشى خلاص
مهمة جدااااااااااااااااااااااااا
الامتحان بيجى منها بالظبط تقريبا
انا بصراحة كنت باخد دروس فى الاناتومى و الفسيولوجى
البايو كنت باخد مجموعة و الهستولجى مع نفسى
و الحمد لله جبت امتياز
ربنا يوفقك ان شاء الله

ربنا يخليكي يا دكتور flower الكليه منوره بيكي وبكل اعضاء المنتدي .... وشكرا علي معلوماتك دي

doctor flower كتب:

اهلا بيك يا محمود
هتنور الكلية
انا رايحة تانية و اى حاحة تطلبها تحت امرك
و زى الدكاترة ما اقلولك محضرات الهستوليجى حضورها زى عدموا
بس مخضرات دكتور شكرى دا لو كان لسة موجود انا سمعت انوا مشى خلاص
مهمة جدااااااااااااااااااااااااا
الامتحان بيجى منها بالظبط تقريبا
انا بصراحة كنت باخد دروس فى الاناتومى و الفسيولوجى
البايو كنت باخد مجموعة و الهستولجى مع نفسى
و الحمد لله جبت امتياز
ربنا يوفقك ان شاء الله

ربنا يخليكي يا دكتور flower الكليه منوره بيكي وبكل اعضاء المنتدي .... وشكرا علي معلوماتك دي

مصطفى الدور كتب:

السلام عليكم
انت فين يا دكتور محمود؟؟؟؟؟؟؟؟؟؟؟؟؟؟؟؟؟

انت زعلان مننا ولا ايه؟؟؟؟؟؟؟؟؟؟؟؟؟؟؟؟؟
انت خلصت اسئلتك؟؟؟؟؟؟؟؟؟؟؟؟؟
عموما احنا فى انتظار اى اسئله او استفسارات من حضرتك
ونورت المنتدى والكليه والجامعه كلها
ويا ريت تفضل معانا على طول وتقولنا رايك فى المنتدى

معلش يا دكتور كان في مشكله عندي في النت ..... وبعدين هو في حد يزعل منكم يا دكتور ؟؟؟
هو فعلا معظم اسئلتي خلصت.....وشكرا ليك يا دكتور والكليه منوره بيك والله

dr.shery كتب:

بسم الله الرحمن الرحيم
اهلا بيك يادكتور

انا هانصحك نصيحه ووجهه لله
انا الحمدلله طالعه ال 30 ع الدفعه وكان ممكن ابقى احسن من كده بس الحمدلله لانى اتظلمت ف ماده بس ربنا اكيد ع الظالم

اولا لازم تحضر محاضرات دكتور شكرى مهما كان التمن او تصورها لانه بيجيب منها ف الامتحان وهوه بيزود كلام مش مكتوب فى الكتب بتاعته وبيجيبه ف الامتحان
دكتور شكرى وكيم ده رئيس قسم الفسيولوجى

انا مكنتش بحضر محاضرات تانيه خلاص لانها مكنتش مفيده لسبب بسيط هتلاقى نفسك بيخلصوا 50 صفحه ف محاضره ومش هتلحق تذاكرهم تانى يوم هتروح هتلاقيهم بيكملوا ومش هتفهم حاجه

انا شايفه من وجه نظرى ان الدروس مش مضياع للوقت زى ماانت فاكر اولا انت ممكن تقرى صفحه ف البيت لوحدك ولانك مش فاهمه ساعتين
ف الدرس بينجر ويفهمك وكمان يحفظك هيعنى هتنجز اكتر وترجع تخلص اللى خذته فى نص ساعه

غير كده انت لما تذاكر من كتاب مش هتعرف المحور اللى هيجيى به السؤال يعنى مثلا الدكتور بره يفهمك ده جت ازاى وليه والكلام ده مابيحصلش ف المحاضرات وغير كده المحاضرات من الترم التانى بتقع وهتلاقى نفسك بتذاكر المنهج مع نفسك
لو دخلت ع ان كليه الطب حفظ بس هتفشل
لانك لازم تفهم لان فيه mcq ولف ودوران ف السؤال
لكنك هتدخل بانك قاعد ف البيت علشان تحفظ الكتاب انسى بقى لانك هتنساه فى الامتحان وهتلاقى اخرتك مقبول


ديه نصيحتى لان فى الدروس هما اللى هيمشوك ويوجهوك صح ومش بيضيعوا وقت بالعكس دول بيشرحوا ويحلوا امتحانات وازاى تحل الاسئله فى اخر السنه واهم من كل ده ازاى تفهم بدل ماتحفظ

لان نقطه الفهم ديه مش هتلاقيها فى المحاضرات لان قدامهم منهج ولازم يخلص ولازم يكروتوا

ع العموم ف كل الاحوال نصيحه اخيره انا لما حضرت محاضره كنت باشوف برضو ناس قاعده وقاعدين يهزورا ويلعبوا فى الموبايل
وبرضو فيه ناس فى الدروس كانوا بيهزوا لانهم كده اصلا
ومش حكايه ان الدروس بتضيع وقت لان ده طابع فى الشخصيه

ع العموم ياريت حضرتك تكون جد من اول يوم وماتركمش عليك حاجات

وشوف اللى يريحك انا قلت نصيحتى وتجربتى

باى

شكرا يا دكتور شيري علي النصايح الغاليه دي وبالتوفيق دايما وباذن الله نشوف حضرتك الاولي السنه الجايه

يا باشا الله يكرمك
احنا فى الخدمه ومش عايزينك تغيب علينا بس
والكليه هتنور بيكم يا بتوع سنه اولى (ده انتوا ناس جايبين 403.5 احنا كنا داخلينها ايام الرخص)
ههههههههههههههههههههههههههههههههههههههههههههههههه
بس ورينا همتكم بقى
عايزين ناس جامده بقى فى الكليه داخلين بهدف وعايزين يحققوه وعندهم مبادئ عايزين يحافظوا عليها
والله المستعان
وعموما دى ورده من اسره المنتدى ليك بما انك اول عضو من سنه اولى
ويا ريت تساعد معانا فى نشر المنتدى

مصطفى الدور كتب:

يا باشا الله يكرمك
احنا فى الخدمه ومش عايزينك تغيب علينا بس
والكليه هتنور بيكم يا بتوع سنه اولى (ده انتوا ناس جايبين 403.5 احنا كنا داخلينها ايام الرخص)
ههههههههههههههههههههههههههههههههههههههههههههههههه
بس ورينا همتكم بقى
عايزين ناس جامده بقى فى الكليه داخلين بهدف وعايزين يحققوه وعندهم مبادئ عايزين يحافظوا عليها
والله المستعان

باذن الله يا دكتور نكون علي قد المسئوليه... و بعدين يا دكتور مهما يكون العين متعلاش عن الحاجب انتم دكاتره ايامكم الامتحانت كانت صعبه ايامنا الامتحانات سهله جدا.... وباذن الله يا دكتور نشوف حضرتك مجدي يعقوب الجديد لان حضرتك شخصيه محترمه جدا

معلش كان ليه سؤال يا دكاتره ازاي اسجل المحاضرات يعني اكتب ورا الدكتور ولا اقرا وراه من خلال الكتاب ولا استخدم mp3 عشان اسجلها ويا تري لو استخدمت mp3 بيبقي الصوت واضح وهل كل الدكاتره بتسمح بالحكايه دي؟؟؟

السلام عليكم
منور يا د. محمود
أنا أمنية راحة تانية باذن الله و لله الحمد طلعت ال27
بالنسبة للمحاضرات : احضر كل محاضرات د. شكري مش عشان الامتحان و بس لأ عشان تفهم طب كويس و كمان احضر ل د. فاتن و د. محمد عبد العزيز
اكتب وراء د . شكري كل حاجة و لو كانت متكررة
اما د. فاتن و د. محمد اشتري الكتب و المذكرات
في الاناتومي ا حضر ل د. كاريمان و طبعا حبيب الكل د. أسامة حسين
وفي دكاترة تانية م ....................................... افهم انت بقى
في البايو أحضر د . سناء أب الشوك و د. ايمن و د. ثناء عيسى
هستولوجي كويس دكاترة حلوة محدودة احضر ل د. ماهر عمارة و د. ا بتهاج
كل الكاترة لا غبار عليهم ولكن تختلف طرق الشرح فتختلف الآراء حولهم
بالنسبة للدروس بلاش تاخد اول السنة ال اذا احتجت يعني تكون فهمت المواد و الدنيا ماشية ازاي

عابر سبيل كتب:

السلام عليكم ورحمة الله

الحقيقة مش كل الدكاترة بتسمح لكن المعظم
وعلى مستوى تجربتي الشخصية وجدت الأكثر نفعا ان نكتب وراء الدكاترة اختصارا يعني عناوين رئيسية+النقاط الجديدة او المهمة ونرجع البيت نذاكر من الكتاب او المرجع ونضيف اليه تلخيص المحاضرة
أضف الى ذلك ان الكتابة في المحاضرة تزيد من التركيز وتقلل السرحان

شكرا لحضرتك يا دكتور وباذن الله اخد بالنصيحهو شكرا لاهتمامك

امنية كتب:

السلام عليكم
منور يا د. محمود
أنا أمنية راحة تانية باذن الله و لله الحمد طلعت ال27
بالنسبة للمحاضرات : احضر كل محاضرات د. شكري مش عشان الامتحان و بس لأ عشان تفهم طب كويس و كمان احضر ل د. فاتن و د. محمد عبد العزيز
اكتب وراء د . شكري كل حاجة و لو كانت متكررة
اما د. فاتن و د. محمد اشتري الكتب و المذكرات
في الاناتومي ا حضر ل د. كاريمان و طبعا حبيب الكل د. أسامة حسين
وفي دكاترة تانية م ....................................... افهم انت بقى
في البايو أحضر د . سناء أب الشوك و د. ايمن و د. ثناء عيسى
هستولوجي كويس دكاترة حلوة محدودة احضر ل د. ماهر عمارة و د. ا بتهاج
كل الكاترة لا غبار عليهم ولكن تختلف طرق الشرح فتختلف الآراء حولهم
بالنسبة للدروس بلاش تاخد اول السنة ال اذا احتجت يعني تكون فهمت المواد و الدنيا ماشية ازاي

منور بيكي يا دكتور امنيه....... وشكرا علي نصايحك الجميله دي .... ومبروك لحضرتك وباذن الله مزيد من التميز....كنت عايز اسال حضرتك خدتي دروس ولا لأ ؟؟؟ ولو خدتي خدتي في ايه؟؟؟؟
و يا تري كنت بتذكري ازاي؟؟؟ عارف اني تقلت عليكي انما حضرتك عارفه الواحد تايه ازاي

وشكرا ليكي