يوميات طالب فى اولى طب

موضوع: يوميات طالب فى اولى طب 8/9/2007, 8:10 pm

الى طلبة سنة اولى
انا اختكوا رايحة تانية و حاسة اوى بالدوخة و القلق اللى انتوا فيه عشان كدة انا هعملكوا هنا ان شاء الله يوميات طالب فى كلية الطب فى سنة اولى من اول وصول بطاقة الترشيح
ياريت طلبة سنة اولى اللى هينوروا الكلية يقولوا ايه رايهم
و ربنا يوفق الجميع

دلوقتى فاضل حوالى شهر على الكلية و بطاقة الترشيح و صلت و الناس رايحة جاية تقولك يا دكتور
و انت بقى طبعا بتنام و تحلم حتى بتحلم و انت صاحى بانك بقى هتروح الكلية و بتتخيل نفسك
ماشى فى المستشفى لابس البالتو الابيض و السماعة و المستشفى نضيفة اوى
طبعا دا مش فى اولى و المشكلة ان طلبة كتير فاكرة انها من اول يوم هو دكتور بجد و دا طبعا مش صح
لسة بدرىىىىىىىى
بعدين انت اكيد شغوف جدا انك تسال عن المواد
و دا فى الحلقة الجاية ان شاء الله

موضوع: رد: يوميات طالب فى اولى طب 8/9/2007, 11:30 pm

السلام عليكم
جزاكى الله خيرا
موضوع جميل بجد يا دكتوره وحيسهل الموضوع اوى على طلبه اولى
يا ريت تكملى عليه وتحاولى تنشري المنتدى بين زمايلك اللى تعرفيهم واللى انت عارفه انهم داخلين طب عين شمس
احنا عايزين المنتدى بتاعنا يكون اكبر مجتمع لطب عين شمس وده بس هيتتحقق بمجوداتكم ومشاركاتكم الفعاله
والله الموفق

موضوع: رد: يوميات طالب فى اولى طب 8/10/2007, 2:16 pm

بعدين بقى يا سيدى انت هتموت و تعرف المواد و كل مادة عليها كام درجة و ايه اللى هتاخدوا فيها و كدة دا انت حتى واخداك الحماسة و عايز يبدا تحضر من دلوقتى بس نصيحة استمتع بالاجازة و ما تستعجلش
المهم حظك حلو و واحد قريبك او صاحبك او جارك فى طب و اكبر منك يكام سنة كدة اداك كتاب اناتومى اللى هو علم التشريح و قعد يفهمك شوية كل مادة بتتكلم عن ايه و زيادة فى الحب ايداك العضم اللى عندو ا و تابعوا معايا بقى ايه اللى هيحصل لما العضم يوصل بيتك
فى الحلقة اللى حاية ان شاء الله
بس يا جماعة فين طلبة اولى عايزين نشوفهم و نغرف اليوميات دى مفيدة و لا ما حدش اصلا موجود عشان يشوفها
و شكرا ليكوا

موضوع: رد: يوميات طالب فى اولى طب 8/10/2007, 7:54 pm

doctor flower كتب:: بعدين بقى يا سيدى انت هتموت و تعرف المواد و كل مادة عليها كام درجة و ايه اللى هتاخدوا فيها و كدة دا انت حتى واخداك الحماسة و عايز يبدا تحضر من دلوقتى بس نصيحة استمتع بالاجازة و ما تستعجلش
المهم حظك حلو و واحد قريبك او صاحبك او جارك فى طب و اكبر منك يكام سنة كدة اداك كتاب اناتومى اللى هو علم التشريح و قعد يفهمك شوية كل مادة بتتكلم عن ايه و زيادة فى الحب ايداك العضم اللى عندو ا و تابعوا معايا بقى ايه اللى هيحصل لما العضم يوصل بيتك
فى الحلقة اللى حاية ان شاء الله
بس يا جماعة فين طلبة اولى عايزين نشوفهم و نغرف اليوميات دى مفيدة و لا ما حدش اصلا موجود عشان يشوفها
و شكرا ليكوا

شكرا يا دكتور dreaming flower ومنتظرين المزيد وبالتوفيق

موضوع: رد: يوميات طالب فى اولى طب 8/10/2007, 7:55 pm

مصطفى الدور كتب:: السلام عليكم
جزاكى الله خيرا
موضوع جميل بجد يا دكتوره وحيسهل الموضوع اوى على طلبه اولى
يا ريت تكملى عليه وتحاولى تنشري المنتدى بين زمايلك اللى تعرفيهم واللى انت عارفه انهم داخلين طب عين شمس
احنا عايزين المنتدى بتاعنا يكون اكبر مجتمع لطب عين شمس وده بس هيتتحقق بمجوداتكم ومشاركاتكم الفعاله
والله الموفق

باذن الله يا دكتور نطور المنتدي ونخليه افضل منتدي طبي في مصر مش في عين شمس بس

موضوع: رد: يوميات طالب فى اولى طب 8/11/2007, 7:03 pm

بس يا سيدى العضم وصل بيتك و انت طبعا كنت مرعوب و اصلا مش غارف العضمة دى فين و لا بتتركب ازاى ما تستعجلش هتعرف كل دا فى المشرحة ان شاء الله
ايه دا هو احنا فينا من مشرحة
طبعا دا انت بعد كدة المشرحة دى هتكون ليك فيها ذكريات عمرك ما هتنساها هنتكلم عنها بعدين
بس يا سيدى كل اللى فى البيثت بقى مرعوب من العضم و مامتك قالتلك يانا يا الراجل دا فى البيت و انت عمال تقنع فيها بس ما فيش فايدة فاتفقت معاها انك تخليه فى البلكونة
و كل يوم عمال تتفرج علية و بدات تتعود على وجوده فى حياتك

الى اللقاء ة لنا عودة ان شاء الله

موضوع: رد: يوميات طالب فى اولى طب 8/11/2007, 11:48 pm

شكرا يا دكتور dreaming flower

موضوع: رد: يوميات طالب فى اولى طب 8/12/2007, 12:18 am

doctor flower كتب:: بس يا سيدى العضم وصل بيتك و انت طبعا كنت مرعوب و اصلا مش غارف العضمة دى فين و لا بتتركب ازاى ما تستعجلش هتعرف كل دا فى المشرحة ان شاء الله
ايه دا هو احنا فينا من مشرحة
طبعا دا انت بعد كدة المشرحة دى هتكون ليك فيها ذكريات عمرك ما هتنساها هنتكلم عنها بعدين
بس يا سيدى كل اللى فى البيثت بقى مرعوب من العضم و مامتك قالتلك يانا يا الراجل دا فى البيت و انت عمال تقنع فيها بس ما فيش فايدة فاتفقت معاها انك تخليه فى البلكونة
و كل يوم عمال تتفرج علية و بدات تتعود على وجوده فى حياتك

الى اللقاء ة لنا عودة ان شاء الله

على كده ده اللى حصلك فى سنه اولى
قولى يا دكتوره وزدينا

موضوع: رد: يوميات طالب فى اولى طب 8/12/2007, 12:37 am

شكرا لردودكوا و يا رب اليوميات دى تكون مفيدة لطلبة سنة اولى
بصراحة دا مش اللى حصلى يعنى حاجات من اللى هاقولها حصليتلى شخصيا و حاجات حصلت لصحابى
سلام

موضوع: رد: يوميات طالب فى اولى طب 8/12/2007, 7:19 pm

المهم انت بقى قعدت مع جارك دا و اتكلمت معاه فى المواد و هو شرحلك كل مادة و عليها كام درجة و هى بتتكلم عن ايه و انت بقى حسيت ان العملية مش سهلة بس على مين انا ان شاء الله ادها و ادود و انا عايزة اقول حاجة لازم تكون عندك الثقة فى قدراتك بس مش لدرجة انك تستكبر نفسك لان دا بداية الفشل اهم حاجة فى كليتنا روح الشجاعة و الاقدام و البال الطويل
بس اكيد انت من دلوقتى بتتخيا اول يوم دا هيبقى عامل ازاى
ان شاء الله المرة اللى جاية
و احب اوضح انى هنا مش هتكلم عن التعليم بس لكن عن الحياة عاما فى السنة اولى و الناس اللى انت هتعرفها و شعورك النفسى على مدار السنة
شكرا

موضوع: رد: يوميات طالب فى اولى طب 8/13/2007, 12:41 am

شكرا يا دكتور وانا في انتظار الموضوع القادم علي احر من الجمر

موضوع: رد: يوميات طالب فى اولى طب 8/13/2007, 1:50 pm

العفو
بس انا دكتورة مش دكتور
و الموضوع اللى جاى قريب ان شاء الله

موضوع: رد: يوميات طالب فى اولى طب 8/13/2007, 3:51 pm

doctor flower كتب:: العفو
بس انا دكتورة مش دكتور
و الموضوع اللى جاى قريب ان شاء الله

انا عارف والله ان حضرتك دكتوره مش دكتور.... انما دكتور كلمه اعجميه لا تؤنث عشان كده بقول دكتور بدل دكتوره انما لو مضايقك الموضوع ده نخليها دكتوره

موضوع: رد: يوميات طالب فى اولى طب 8/14/2007, 3:06 am

لا مش مضايقنى و الله انا بس مقريتهاش كدة
على فكرة انا كمان بقول للدكتورة يا دكتور
اصلها لما تتقال غير لما تتكتب
سلام

موضوع: رد: يوميات طالب فى اولى طب 8/17/2007, 2:59 pm

بس يا سيدى جيه اليوم المنتظر و هو اول يوم فى الدراسة انت بقى صحيت بدرى
دا انت اصلا ما نمتش طول الليل و اعدت بالليل بقى تحضر لبسك و صحيت لبست و اتشيكت
و نزلت اول ما دخلت المدرج اتخضيت و قولت ايه ده ايه كل الناس دى بصراحة انا اول ما دخلت المدرج كنت هنزل تانى المنظر كان اول مرة اشوف كدة كل دول معايا بس بعد كدة هتلاقى اتك عارف كل الناس دى حتى بالشكل
و بدات اول محاضرة كانت فيسيولجى و دخل دكتور شكرى و قعد يتكلم شوية عن توزيع الدرجات بعدين دخل فى الشرح و الموضوع لذيذ ا
المحاضرة مدتها ساعة بعدين المحاضرة الجاية بيو انشاء الله
سلام

موضوع: رد: يوميات طالب فى اولى طب 8/17/2007, 3:08 pm

السلام عليكم
انا فعلا فى اول يوم دخلت المدرج الساعه 7 الصبح كان المدرج تلات ارباعه مليان
وانا الحمد لله لحقت مكان
انت طبعا هتلاقى ناس هتقعد ع السلم وناس واقفه فى اخر المدرج
وبعد اسبوعين بالظبط هتدخل هتتخض تانى
بس ليييييييييييييييييه؟؟؟؟؟؟؟؟؟؟؟؟؟؟
لان المدرج مش فيه الا اول بنشين هما اللى فيهم ناس
والناس اللى فيهم قاعدين يتكلموا مع بعض او نايمين او دخلوا يضيعوا وقت بين السكاشن
وانا فى سنه تالته كان اللى بيحضر محاضرات المايكرو اربعه وكانت الدكتوره بتاخدهم معاها المكتب فوق وتشرحلهم -درس خصوصى يعنى-
(طبعا لاانا ماكنتش من الاربعه دول)
بس هنقول ايه
يلا هى كليتنا عايزه كده

موضوع: رد: يوميات طالب فى اولى طب 8/17/2007, 3:55 pm

شكرا ليكم وبالتوفيق باذن الله انما الواحد يروح امتي اول يوم عشان يلحق مكان؟؟

موضوع: رد: يوميات طالب فى اولى طب 8/17/2007, 4:35 pm

لو عايز تلحق مكان فى الاول يبقى تروح الساعه 6.5 الصبح لو المحاضرات الساعه 8
بس تهيالى فى رمضان المحاضرات الساعه 9
فممكن تروح الساعه 7.5
لو عايز بقى تلحق مكان تقعد فيه وخلاص يبقى تروح الساعه 8 فى رمضان

موضوع: رد: يوميات طالب فى اولى طب 8/18/2007, 12:08 pm

شكرا يا دكتور مصطفي ....... طب هي الكليه هتبدا 15 سبتمبر ولا 21 سبتمبر

موضوع: رد: يوميات طالب فى اولى طب 8/19/2007, 12:25 am

بص هما السنه اللى فاتت ادولنا اول اسبوع اجازه بس عشان كان فى امتحانات الدور التانى شغاله
بس السنه دى مش عارف
بس عموما انا هاسال وارد عليك

موضوع: رد: يوميات طالب فى اولى طب 8/19/2007, 12:43 am

شكرا يا دكتور مصطفي معلش تعبك كتير.....

مشرف عدد الرسائل : 72 تاريخ التسجيل : 20/06/2007

السلام عليكم
يا الف اهلا باول المشاركين من سنة اولى
يارب المنتدى و الكلية طبعا يعجبووك
الدراسة عندنا ممتعة ..انشالله تعجبك
بالنسبة لاول يوم في الدراسة انا لسة سائل الوكيل د.طاهر فريد انهاردة و قالي انها يوم 15/9
انشالله سنة سعيدة لينا كلنا من اولى لرابعة ..وطبعا خامسة و سادسة و امتياز كمان
يالا سلام

موضوع: رد: يوميات طالب فى اولى طب 8/19/2007, 4:09 pm

kako كتب:: السلام عليكم
يا الف اهلا باول المشاركين من سنة اولى
يارب المنتدى و الكلية طبعا يعجبووك
الدراسة عندنا ممتعة ..انشالله تعجبك
بالنسبة لاول يوم في الدراسة انا لسة سائل الوكيل د.طاهر فريد انهاردة و قالي انها يوم 15/9
انشالله سنة سعيدة لينا كلنا من اولى لرابعة ..وطبعا خامسة و سادسة و امتياز كمان
يالا سلام

شكرا ليك يا دكتور علي المعلومات دي وربنا يكرمك

موضوع: رد: يوميات طالب فى اولى طب 8/19/2007, 6:21 pm

بس يا سيدى تانى محاضرة بقى كانت بيو دخلت الدكتورة صابحة رئيسة القسم رحبت بينا و قالت توزيع الدرجات بس ما شرحتش حاجة قالت من المحاضرة الجاية
و بعد ساعة كانت محاضرة الهيستولوجى و لا ليها اى لزمة و لحد دلوقتى ما شفتش للهيستولجى دا رئيس قسم و لا حتى اعرف اسمه
بس بعدين روحنا
فى اول السنة كده لحد ما رمضان يخلض تقريبا ما فيش اى شغل هما تلت محاضرات بنروح نحضرهم و نروح و السكاشن بتبدا بعد العيد ان شاء لله
بس انا فاكرة لكن مش متاكدة اننا بدانا سكاشن الاناتومى على اخر رمضان كده
اه كمان السنة اللى فاتت فى اول يوم طبعا دخل العميد و وكيل الكلية رحبوا بينا و اتكلموا شوية و ادوا شوية تعليمات زى ممنوع السجاير و التزويغ كده يعنى بعدين كرموا الاول الجمهورية السنة اللى فاتت هو من الاقصر بس دخل عين شمس
سلام

مشرف عدد الرسائل : 72 تاريخ التسجيل : 20/06/2007

يااااااه ..فكرتيني يا دكتورة باول يوم ليا في الكلية ....كان يوم غريب و جميل ...
حاولوا تستمتعوا بسنة اولى و ثانية في الكلية بتاعتنا دي ...دول بجد اجمل سنتين و طبعا ثانية اجمل من اولى ....ربنا يرمكوا و احنا معاكم على طول الخط طول السنة لو عايزين تسالوا او تاخدوا راينا في اي حاجة ...ماتنسوش ان احنا اسرة واحدة بجد ...سلام

» يوميات مؤمن في الجنة
» طلب من طالب طب دفعه 2014